| 十月份有成三個星期番唔到祟拜
係岩岩過左個禮拜日，一心以為做完野可以番到
點知個刻先通知我，我跟埋個ＪＯＢ，
我真係覺得佢係有心玩我多過想我留係到學野．．
個時心情真係好ＤＯＷＮ，佢地話我黑口黑面，
但個陣，我已經係不斷微笑．．but anyway，
依個係我俾到佢地既感覺，我改唔到佢地既睇法，但我知道我都有問題！！
最後，新娘子送左好多甜品黎俾我地食，即刻開心番晒
＊我係到諗，其實有得番崇拜，係好幸福架
|
| |
| 今日跟左我老闆出去做廣告...
一早起身，十點ｃａｌｌ ｔｉｍｅ
我十點先去到！我個好心唔安樂
我好後悔自己做錯決定，我唔應該夾埋眼睫毛先出門口
我唔應該仲走入去百佳買支水！
我唔應該事前唔行定出車門口！
就咁岩岩走左班車，等左六分鐘！
去到杏花村，我唔應該仲走去小巴站，期望上到架小巴
搞到走左幾架的士！
準時對我黎講再唔係美德，都唔係理所當然！
係要早到，早到十五分鐘先合要求！！
每一個幾少既決定，都一定要決定等快而準．．
如果唔係，會幾大獲！！
今次係洗頭水廣告，塊面係要勁自然！
唔可以上粉底，只可搞下ｄ眼耳口鼻，同埋遮少少睱
我聽到心裡：點搞丫，又要個樣精神﹑又要靚！！
但我老闆都搞掂左．．
雖然我無咩做，又幾累，但真係會見到好多得意野，
希望繼續多ｄ機會出去喇！！
|
| |
| 嘩嘩嘩.........真係勀到個人痴晒線
岩岩過左個星期...番足七日
有三日都係早上四點起身....去做野,同d 姊妹化妝整頭
仲要星期一至星期六都收鬼死咁夜..無日準時放工
星期日就成日出左去跟一個wedding，6:00am-10:30pm
第日又繼續番工....
今個星期又係差唔多，無日可以準時放工，九點幾放，
已經係開始胃痛，想快ｄ番屋企，點到死到番去先食，
星期六﹑日又開工，不過都算好，唔係太早，星期日應該都番到教會
不過再下一個星期又係忙到癲左，
個人真係．．企係到一分鐘，都訓得著．．．
|
| |
| 
畫作--清心，心清
心血來潮之作，
顏料選用了木顏色，是十分需要心思﹑耐性的顏料，
要做出層次的效果絕不容易，實正沒有這心機。
經過多番嘗試後，日久生疏的畫功實離我太遠了，
已做不到我心所想的圖像，就此作罷。
我都是比較喜歡用塑膠彩，顏色豐富之餘，又有質感，效果更為突出。
|
| |
